«Զգուշացեք` դռները փակվում են, հաջորդ կայարանը` հերթական սին խոստում». Արմենակ Դանիելյան

Երևանի ավագանու «Մայր Հայաստան» խմբակցության անդամ Արմենակ Դանիելյանի ֆեյսբուքյան գրառումը․ «Զգուշացեք՝ դռները փակվում են, հաջորդ կայարանը՝ հերթական սին խոստում:
«Նախնական հաշվարկներով՝ Աջափնյակի կայարանի շինարարությունը տևելու է ընդամենը 48 ամիս, այսինքն 2 տարվա ժամկետում մենք կայարանը կարողանալու ենք կառուցել»,- Տիգրան Ավինյան, մարտ 2023թ.:
«Վստահ եմ, որ մենք կառուցելու ենք մետրոյի «Աջափնյակ» կայարանը»,- Տիգրան Ավինյան 11.06.2025թ.:
Չեմ հավատում։
Արդեն 8 տարի նույն խոստումը, նույն ոճով, նույն տոնով, նույն առոգանությամբ, մետրոյի նույն կայարանի մասին:
Նիկոլ Փաշինյանը առաջին անգամ Աջափնյակի մետրոյի կայարանը կառուցելու խոստում է տվել 2017թ-ի գարնանը՝ ԱԺ համապետական ընտրությունների քարոզարշավի ժամանակ։
Երկրորդ անգամ՝ 2017թ-ի ՏԻՄ՝ Երևանի ավագանու ընտրությունների քարոզարշավի ժամանակ։
Երրորդ անգամ Նիկոլ Փաշինյանը և իր խմբակն Աջափնյակի մետրոն կառուցելու խոստում են տվել 2018թ-ի սեպտեմբերին Երևանի ավագանու արտահերթ ընտրությունների քարոզարշավի ժամանակ։
Չորորդ անգամ՝ 2018թ-ի նոյեմբերին ԱԺ արտահերթ ընտրությունների քարոզարշավի ժամանակ։
Հինգերորդ անգամ Նիկոլ Փաշինյանն Աջափնյակի մետրոյի կայարանի կառուցման խոստումով խաբել է Երևանցիներին 2021թ-ի հունիսին ԱԺ արտահերթ ընտրությունների քարոզարշավի ժամանակ։
Վեցերորդ անգամ Նիկոլ Փաշինյանի ՔՊ-ն երևանցիների քվեն գողանալու համար Աջափնյակի մետրոյի կառուցման խոստումով հերթական անգամ խաբել է նրանց։
Հ. Գ.
Իմ մոլորված ժողովուրդ, իմ խաբված երևանցիներ ջան, ի՞նչ եք կարծում այս 7 տարում, ինչ սրանք իշխանության են, արդյո՞ք հնարավոր չեր կառուցել Աջափնյակի մետրոյի կայարանը, այն էլ այն դեպքում, որ այս 7 տարում սրանք Հայաստանի պետական պարտքը ավելացրել են 7 միլիարդ (7,000,000,000 ) դոլարով»։