«Իրան-իսրայելական հակամարտությունը բացասական ազդեցությունն է թողնելու առանձին երկրների տնտեսությունների վրա»․ Սուրեն Պարսյան

467

Ուրբաթ, 13 հունիսի, 2025 թ., 16:54

Տնտեսագետ Սուրեն Պարսյանն իր թելեգրամյան ալիքում գրել է. «Իրան-իսրայելական հակամարտության սրացման նոր փուլը իր բացասական ազդեցությունն է թողնելու տարածաշրջանի և առանձին երկրների տնտեսությունների վրա, մասնավորապես՝
1. իրանական և իսրայելական արժույթները կտրուկ կարժեզրկվեն, մարդիկ կնախընտրեն գումարներն ապահով հանել երկրից,
2. Կթանկանան առաջին անհրաժեշտության ապրանքները, մասնավորապես՝ Իսրայելում արդեն երեք անգամ թանկացել են դրանք,
3. Տարածաշրջանի բեռնափոխադրման տևողությունը և արժեքը կավելանան, օդային փոխադրումները կհետաձգվեն,
4. Էներգակիրների գների տատանումներ կգրանցվեն,
5. Ներդրումների և անշարժ գույքի գրավչությունը կնվազի տարածաշրջանում,
6. Ենթակառուցվածքային ծրագրերը կսառեցվեն անորոշ ժամկետով,
7. Կոնֆլիկտի սառեցման ժամանակահատվածներում մարդկանց որոշակի տեղաշարժ կգրանցվի»:

Աղբյուրը` Սուրեն Պարսյան