Կիրակի, 06 սեպտեմբերի, 2026 թ.
|
Ստեփանակերտում`   +27 °C

«Չեմ բացառում, որ կարող է ժամանակավորապես կասեցվել «գազ էլեկտրաէներգիայի դիմաց» գործարքը»․ Վահե Դավթյան

«Չեմ բացառում, որ կարող է ժամանակավորապես կասեցվել «գազ էլեկտրաէներգիայի դիմաց» գործարքը»․ Վահե Դավթյան
764
Կիրակի, 15 հունիսի, 2025 թ., 15:12

Էներգետիկ անվտանգության փորձագետ Վահե Դավթյանի ֆեյսբուքյան գրառումը․ «Իրանի կրիտիկական ենթակառուցվածքներին հասցվող հարվածները կարող են հանգեցնել հայ-իրանական էներգատրանսպորտային համագործակցության առանց այդ էլ համեստ դինամիկայի նվազմանը:
Երեկ հարված հասցվեց Իրանի խոշորագույն գազային հանքավայրին՝ Հարավային Պարսին, ինչը էապես նվազեցնելու է Իրանում գազի արդյունահանման ծավալները: Հաշվի առնելով Իրանում առանց այդ էլ առկա էներգետիկ խնդիրները՝ չեմ բացառում, որ կարող է վերանայվել կամ ժամանակավորապես կասեցվել հայ-իրանական «գազ էլեկտրաէներգիայի դիմաց» բարտերային գործարքը: Առնվազն դրա շրջանակներում նախատեսվող մատակարարումների ավելացման հարցը առայժմ դուրս է մնում օրակարգից:
Դրան զուգահեռ՝ ռիսկային գոտում է հայտնվում Իրան-Հայաստան 3-րդ օդային էլեկտրահաղորդման գիծը, որի կառուցումն առանց այդ էլ իրականացվում է նախագծային ժամանակացույցի կոպտագույն խախտումներով: Դա, իր հերթին, հարցականի տակ է դնում «Հյուսիս-Հարավ»՝ Իրան-Հայաստան-Վրաստան-Ռուսաստան էլեկտաէներգետիկ միջանցքի նախագիծը:
Այս ամենը կարող է էապես նվազեցնել Հայաստանի էներգետիկ համակարգի «ամրության պաշարն» ու դիվերսիֆիկացիոն հնարավորությունները»։

Աղբյուրը`   Վահե Դավթյան