«Եթե մարդն ապրում է այնպիսի օդի մեջ, ինչպիսին Երևանում է, կյանքի տևողությունը կրճատվում է մեկ տարով»․ Սոնա Աղեկյան

«Մայր Հայաստան» դաշինքի անդամ Սոնա Աղեկյանի ֆեյսբուքյան գրառումը. «Երևանում օդը, մեղմ ասած, մաքուր չէ և վտանգավոր է առողջության համար։ Բայց քաղաքացիները, կարծես արդեն սովորել են այդ փոշուն, ինչն ամենավտանգավորն է։ Այժմ թվենք օդի բաղադրությունը թունավորող երևույթները.
Երևանում ամեն քայլափոխի իրականացվող աշխատանքաներից փոշի է բարձրանում, մանավանդ, որ շատ քիչ շինհրապարակներում են պահպանվում պահանջները, իսկ քաղաքային իշխանությունը հետևողականորեն միայն տուգանում է, ոչ թե պարտադրում է վերացնել խախտումները։
Ավտոմեքենաներից արտանետումները ևս թունավորում են օդը՝ հատկապես հին ու դիզելային մեքենաները։
Փոսերով ՔՊԿ-ական դիզայն ստացած կամ չասֆալտապատ ճանապարհներով ընթացող մեքենաները ևս բարձրացնում են փոշի, որը ևս թունավոր է։
Աղբի այրումը օդը դարձնում է վտանգավոր, աղբավայրերում օրերով այրվում է աղբը, իր վտանգավոր բոլոր հետևանքները թողնելով օդի բաղադրությունում։
Դե, իսկ ծառերի պակասը չի կարող օդը մաքրել և որքան քիչ են ծառերը՝ այնքան շատ է փոշին։
Իսկ միջազգային հաշվարկներն արձանագրում են, որ եթե մարդն ապրում է այնպիսի օդի մեջ, ինչպիսին այս պահին Երևանում է՝ ապա կյանքի տևողությունը կրճատվում է մեկ տարով, իսկ օդի վիճակը Երևանում հետևյալն է.
Երևանի օդի մեջ ամենավտանգավոր մասնիկները՝ PM2.5-ը, հաճախ 5 անգամ ավելի շատ են, քան թույլատրելի նորման։ Օրինակ՝ այն դեպքերում, որ Առողջապահության համաշխարհայրին կազմակերպությունն ասում է՝ թույլատրելին 5 միավոր է, Երևանում 25 կամ ավելի միավոր է, ստացվում է, որ Երևանում օդի վիճակն այնպիսին է, որ պետք է հակագազ կամ դիմակ կրել դրսում քայլելիս։
Կից լուսանկարը շվեյցարական IQAir ընկերության պաշտոնական կայքից է։ Հիշեցնենք, որ կայքը live ռեժիմով հրապարակում է փաստացի տվյալներ աշխարհի մայրաքաղաքների և խոշոր քաղաքների օդի որակի մասին, և համաձայն կայքի պատրաստած զեկույցի՝ Երևանում PM2.5 կոնցենտրացիան 22.7 անգամ գերազանցում է ԱՀԿ միջին տարեկան սահմանաչափը, իսկ Երևանի օդը գնահատվում է որպես «վնասակար»