«Ոնց որ մրցույթ լինի՝ հրթիռներից ինչքանը տեղ հասան ու ինչքան մարդու կյանք խորտակեցին». Սուրեն Սահակյան

Հասարակական-քաղաքական գործիչ Սուրեն Սահակյանի ֆեյսբուքյան գրառումը. «Աշխարհի կարևոր հարցերը լուծողները, կարծես ինքնագնահատականի հետ լրջագույն խնդիրներ ունեցող քյոփակ բիձեք են՝ Թրամփը, Պուտինը, Նեթանյահուն, Էրդողանը, Խոմենեին, Սին և այլն։ Կպել են ու չեն ուզում իրենցից հետո մի կանգուն մնա։ Բայց նաև մի մեծ հանցանք են գործում՝ մեդիայի միջոցով նորմալիզացնում են պատերազմը բոլորի համար։ Անբարոյականության ու ցինիզմի սահմանով ա անցնում, երբ պատերազմը օնլայն նայելու զբաղմունք ա դիտվում ու ոչ բողոք կա, ոչ դադարեցնելու պահանջ։ Ոնց որ մրցույթ լինի՝ ում հրթիռները ինչքան որսացին, ինչքանը տեղ հասան ու ինչքան մարդու կյանք խորտակեցին։ Ենթադրում եմ՝ ոչ մեկս չէինք ուզենա էդ վիճակագրության մաս դառնալ, բայց շատերը լավ էլ հրճվում են մյուսների դժբախտության վրա։ Հիվանդ, էմպատիայի, ապրումակցման անկարող արարածների բազմություն են սարքել մարդկությունը»: