«Մեզ թույլ չեն տալիս անցնել ՀՀ, բայց պարսիկները մտնում, դուրս են գալիս». հայ վարորդ

Ֆոտոլրագրող Գագիկ Շամշյանը հայտնում է, որ այսօր՝ հունիսի 17-ին, զանգահարել են մեծ թվով հայ վարորդներ, ովքեր արդեն 10 օր է՝ գտնվում են Ագարակի անցակետի մոտ, սակայն չեն կարողանում մուտք գործել Հայաստան։ Նրանք ասել են․ «Իրան-Ագարակ տամոժնիայում հայ վարորդներն անտեսված վիճակում են էն աստիճանի, որ այստեղից դուրս չեն թողնում, բայց պարսիկներն առանց որևէ խնդրի և՛ դուրս են գալիս, և՛ մտնում են, իսկ մենք արդեն 10 օր կանգնած ենք ու հույս չունենք, որ մոտակա օրերին կարանք դուրս գանք ստեղի տամոժնիայով։ Մեր մաքսատանը դիմել ենք զանգով, բայց նորից անտեսվել ա մեր բողոքը։ 1000-ից ավելի բեռնատարներ մնացել են Իրանի տարածքում ու դուրս գալու հույս չունեն»։