«Որոշ հոգևորականների են հանել ժողովրդի դեմ, կտեսնեք, թե նրանց հետ ինչ է լինելու»․ Արթուր Հովհաննիսյան

ՔՊ-ական Արթուր Հովհաննիսյանն ԱԺ ամբիոնից հեգնեց Վեհափառ հայրապետին՝ նրան դիմելով Կտրիճ Ներսիսյան անունով, շնորհավորեց հայրերի օրվա առթիվ։ Այնուհետև սպառնաց հոգևորականներին․ «Սկզբում ռոբասերժական բանդային հանեցին իշխանությունը գողանալու համար, տեսաք՝ նրանց հետ ինչ եղավ․ քաղաքական լուսանցքում են, շուտով էլ պատմության աղբանոցում են հայտնվելու։ Հետո ԳՇ-ի՝ իրենց ստրուկ զինվորականներին հանեցին ժողովրդի դեմ, տեսանք՝ նրանց հետ ինչ եղավ։ Հիմա էլ որոշ հոգևորականների են հանել ժողովրդի դեմ, կտեսնեք, թե նրանց հետ ինչ է լինելու»,- ասաց Հովհաննիսյանը։