«Թրամփը Խամենեին պատասխանել է` ես կասեմ` հաջողություն ձեզ». Արա Պողոսյան

Քաղաքագետ Արա Պողոսյանի գրառումը. «Դոնալդ Թրամփն, ի պատասխան Իրանի Իսլամական Հանրապետության հոգևոր առաջնորդ Այաթոլլա Խամենեի հայտարարության, որ Իրանը երբեք չի հանձնվի, արձագանքում է. «Ես կասեմ՝ հաջողություն ձեզ»:
Բնականաբար, Թրամփը վստահ է, որ եթե ԱՄՆ-ն միջամտի, ապա Իրանը պաշտպանվելու շանս չի ունենա։ Սակայն իրավիճակն էապես կփոխվի, երբ Իրանին աջակցող երկրները սկսեն բացահայտ աջակցել։ Մասնավորապես, Չինաստանը, Ռուսաստանը, Պակիստանը, նաև Հս. Կորեան, որը Ռուսաստանի միջոցով կարծես թե դուրս է գալիս լիակատար մեկուսացումից։
Արդեն տեղեկություններ կան, որ Չինաստանը զինամթերք է ուղարկել Իրան։ Այս շրջանակի ընդլայնման և ինտենսիվացման պարագայում ԱՄՆ-ի՝ ուղիղ միջամտության հավանականությունը աստիճանաբար կցածրանա»։