«Կկանգնենք այստեղ՝ ինչքան պետք է․ լավ սպասելիքներ ունենք»․ Սարգիս Կարապետյան

«Մենք ձիգ ենք, պինդ ենք, կկանգնենք այստեղ՝ ինչքան պետք է»,- այս մասին Երևանի ընդհանուր իրավասության առաջի ատյանի դատարանի բակում լրագրողների հետ զրույցում ասաց գործարար Սամվել Կարապետյանի որդին՝ Սարգիս Կարապետյանը՝ անդրադառնալով հոր նկատմամբ ընթացող իրավական գործընթացներին։

«Երեկ տանն եմ եղել՝ հորս կողքին։ Ցանկացած պարագայում լավ սպասելիքներ ունենք»,- հավելեց Կարապետյանը։

Նշենք, որ Երևանի ընդհանուր իրավասության քրեական դատարանում քննվում է Սամվել Կարապետյանի նկատմամբ կալանքը որպես խափանման միջոց կիրառելու վերաբերյալ միջնորդությունը։ Դատարանը հեռացել է խորհրդակցական սենյակ։

Հիշեցնենք, որ Սամվել Կարապետյանին մեղադրանք է առաջադրվել Քրեական օրենսգրքի 422-րդ հոդվածի 2-րդ մասով, այն է՝ իշխանությունը զավթելուն, տարածքային ամբողջականությունը խախտելուն, ինքնիշխանությունից հրաժարվելուն կամ սահմանադրական կարգը բռնի տապալելուն ուղղված հրապարակային կոչը, որը կատարվել է հրապարակայնորեն ցուցադրվող ստեղծագործությունները կամ զանգվածային լրատվության միջոցները կամ տեղեկատվական կամ հաղորդակցական տեխնոլոգիաներն օգտագործելով: