«Դուք չեք կարող լինել անկախ և անկողմնակալ»․ Ագնեսա Խամոյանը՝ Արտակ Զեյնալյանին

ԱԺ-ում քննարկում են ՍԴ դատավորի ընտրության հարցը։ Այդ պաշտոնում առաջադրվել է Երևանի ավագանու «Հանրապետություն» խմբակցության նախկին անդամ Արտակ Զեյնալյանի թեկնածությունը։
Ընդդիմադիր պատգամավոր Ագնեսա Խամոյանը, ի պատասխան Զեյնալյանի այն պնդման, թե լինելու է անկախ և անկողմանալ, ասաց․ «Դուք չեք կարող լինել անկախ և անկողմնակալ, քանի որ երբ ավագանու անդամ էիք, չդատապարտեցիք ձեր կուսակից թաղապետի կողմից ծեծը։ Հիմա էլ զլանում եք դատապարտել։ «Հանրապետություն» կուսակցությունը Նիկոլ Փաշինյանից ավելի Նիկոլ Փաշինյան է եղել որոշ դեպքերում, դուք 25 տարի այդ կուսակցության քաղաքական խորհրդի անդամն եք եղել։ Ինչպե՞ս է դրսևորվելու ձեր անաչառությունը»։
Հիշեցնենք, որ Զեյանլյանը ՍԴ դատավորի թեկնածու առաջադրվելուց հետո դուրս էր եկել կուսակցությունից և վայր էր դրել ավագանու մանդատը։