«Ռուսական կապիտալի ներկայությունը ՀՀ-ում ուրախացնում է»․ Մհեր Գրիգորյան

ՀՀ փոխվարչապետ Մհեր Գրիգորյանը մասնակցում է Սանկտ Պետերբուրգի տնտեսական համաժողովին։ Նա իր խոսքում նշել է, որ ռուսական կապիտալի ներկայությունը Հայաստանում ուրախացնում է և որ այն խթանում է հարաբերությունների զարգացումը։ «Հայկական ընկերությունները կարողանում են արտադրել մրցունակ արտադրանք, որը պահանջարկ ունի ռուս սպառողի կողմից»,- ասել է նա՝ հավելելով, թե որպես կանոն, որակյալ արտադրանքը ստեղծվում է համեմատաբար փոքր ընկերությունների կողմից, որոնք աջակցության կարիք ունեն համաշխարհային շուկաներ արտահանելու համար։ Նա հավելել է, որ ռուս գործընկերները շատ բան են անում այս մարտահրավերները լուծելու համար։