Շաբաթ, 15 օգոստոսի, 2026 թ.
|
Ստեփանակերտում`   +18 °C

«Պետությունը որոշել է սիգի պետվճարը եռակի բարձրացնել»․ Մհեր Կարագոզյան

«Պետությունը որոշել է սիգի պետվճարը եռակի բարձրացնել»․ Մհեր Կարագոզյան
500
Շաբաթ, 21 հունիսի, 2025 թ., 15:00

«Հանրային վերահսկողություն» ՀԿ նախագահ Մհեր Կարագոզյանի ֆեյսբուքյան գրառումը. «Պետությունը որոշել է սիգի պետվճարը եռակի բարձրացնել՝ 65 դրամից հասցնելով 200 դրամի։ Առաջին հայացքից թվում է, թե սա արվում է Սևանի պահպանության համար։ Բայց իրականում այս քայլը հարվածում է հենց այն մարդկանց, ովքեր ապրում են լճից՝ աշխատավոր ձկնորսներին, և բոլորիս՝ որպես սպառող։
Երբ սիգը դառնում է ավելին, քան արժե, շուկայից դուրս է մղվում ոչ թե վտանգավոր որսը, այլ հենց սիգը՝ որպես ժողովրդի սնունդ։ Սա արհեստական գնաճ է, որն ուղղակիորեն բացում է ճանապարհը իշխանի վաճառքի զարգացման համար։ Իսկ իշխանը հիմնականում արտադրվում է խոշոր ձկնաբուծարաններում՝ քիմիկատներով կերակրվող, բարձրարժեք, և ոչ բոլորի համար հասանելի։
Այս քայլը ոչ թե բնապահպանություն է, այլ շուկայի մանիպուլյացիա՝ հօգուտ մեծ բիզնեսի։ Փաստացի՝ պետությունը օգտագործում է իր լծակները ոչ թե լճի իրական պաշտպանների՝ տեղացի համայնքների, ձկնորսների կողքին կանգնելու համար, այլ՝ նրանցից քամելու համար։ Իսկ սպառողին մնում է թանկ ապրանք, նվազ որակ և նվազ ընտրության հնարավորություն։
Երբ պետությունն իր հարկային քաղաքականությամբ թանկացնում է ժողովրդի ամենօրյա ուտեստը՝ դա արդեն կառավարում չէ։ Դա սոցիալական շահագործում է՝ արված հանուն մի քանի խոշոր խաղացողների։
Այս մոտեցումը պետք է բացահայտվի, բարձրաձայնվի և կոշտ քննադատության ենթարկվի։ Սևանը հանուն լա՞վ ապրող մարդկանց է, թե՞ հանուն լավ ապրող բիզնեսների»։

Աղբյուրը`   Մհեր Կարագոզյան

Կարդացե՛ք նաև