«Նիկոլը թուրքական տերերից հերթական հանձարարականն է ստացել»․ Արմեն Հովասափյան

ՀՀԿ խորհրդի անդամ Արմեն Հովասափյանի ֆեյսբուքյան գրառումը․ «Եժովչինան տեռորի հերթական ալիքը բարձրացրեց։ Երեկ իշխող զույգի կողմից տիրաժավրած թեման այսօր վաղ առավոտյան վերածվեց իրավական ռեպրեսիայի։ Նիկոլի կողմից հորինած ու ծիծաղելի բովանդակություն ունեցող թղթերի հանրայնացումից հետո մենք ականատես ենք դառնում բացահայտ ագրեսիվ դրսևորումների։ Հերթական դեպրեսիվ ցնցումներով՝ Նիկոլը փորձում է վախեցնել ընդդիմադիր սեգմենտին։
Սա ամեն ինչ անում է բոլոր դիմադրության օջախները բնում խեղդելու նպատակով։ Ես սրա տակ հերթական թուրքական նարատիվն եմ տեսնում։ Թերևս սա պայմանավորված է Ստամբուլում օրերս ձեռք բերած պայմանավորվածությունների հետ․ ամենայն հավանականությամբ՝ Նիկոլը թուրքական տերերից հերթական հանձարարականն է ստացել և ամեն ինչ անում է՝ ներհայաստանյան տիրույթում, բացարձակ իշխանություն ունենալու և հարցերն իր ցանկացած հանգուցալուծմամբ կարգավորելու համար։
Այն, ինչ մենք տեսնում ենք այսօր, բացահայտ բռնապետական պահվածք է, որով Նիկոլը փորձում է պահել սեփական աթոռն ու վերջնականապես կազմաքանդել պետությունը հիմնովին»։