«Հրապարակված ձայնագրությունները չեն պարունակում այն հանցակազմը, որ նկարագրում է ՔԿ-ն»․ Րաֆֆի Ասլանյան

Հրապարակված ձայնագրությունները չեն պարունակում այն հանցակազմը, որ նկարագրում է Քննչական կոմիտեն, «Սպուտիկ Արմենիա»-ի հետ զրույցում ասել է Երևանի նախկին դատախազ, փաստաբան Րաֆֆի Ասլանյանը։

Նրա խոսքով դրանք մտահղացումներ են միայն, նույնիսկ նախապատրաստական փուլ չկա ձայնագրություններում։
«ՔԿ–ի պլանը ընդհանրապես չի համապատասխանում ձայնագրություններին։ Ձայնագրություններն ունեցել են, պլանը հորինել են, որպեսզի ինչ–որ հիմք ունենան գործողություններ անելու»,–ասել է Ասլանյանը՝ հիշեցնելով նաև, որ ժամանակակից մեթոդները հնարավորություն են տալիս, այդ թվում AI–ի ներգրմամբ ցանկացած տիպի ձայնագրություն իրականացնել, և դրա համար դժվար է ասել, թե այդ ձայնագրություններն ինչքանով են իրական։

Նշենք, որ ՔԿ–ն ձերբակալություններից հետո հաղորդագրություն տարածեց՝ կցելով 6 ձայնագրություն ենթադրյալ «հեղաշրջման» մասին խոսակցություններով։