«Կանխվել է շատ մեծ ու շատ վատ բան»․ Սրբուհի Գալյան

«Կանխվել է շատ մեծ ու շատ վատ բան»,- լրագրողների հետ զրույցում ասաց Արդարադատության նախարար Սրբուհի Գալյանը՝ անդրադառնալով «Սրբազան պայքար»-ի ղեկավարներին և մասնակիցներին վերագրվող ենթադրյալ հանցագործությանն ու կալանավորումներին։ «Հետևել եմ այն լուսանկարներին ու ձայնագրություններին, որոնք հրապարակվել են: Այն, ինչ տեսել եմ, ինձ տխրեցրել է։ Որպես իրավաբան՝ կնախընտրեմ սպասել հանգուցալուծմանը, չպետք է շուտափույթ եզրահանգումներ անենք։ Չպետք է անմեղության կանխավարկածը կասկածի տակ դնող հասկացություններ տարածվեն»,- ասաց Գալյանը՝ ի պատասխան դիտարկմանը, թե առանց դատարանի որոշման նրանց տեռորիստ են անվանում։ Նրա խոսքով, սակայն, ՔԿ-ն նյութեր է տարածել, որոնց հիման վրա ամեն մեկն իր ներսում կարող է գնահատել, թե ինչի հետ գործ ունենք։