Ուրբաթ, 27 հունիսի, 2025 թ.
|
Ստեփանակերտում`   +20 °C

Միքայել Սրբազանը Քննչական կոմիտեում է․ ՈՒՂԻՂ ՄԻԱՑՈՒՄ

Միքայել Սրբազանը Քննչական կոմիտեում է․ ՈՒՂԻՂ ՄԻԱՑՈՒՄ
107
Այսօր, 18:12

Միքայել Սրբազանը հասավ Քննչական կոմիտե։ ԱԱԾ-ի մի խումբ դիմակավորված անձինք Միքայել Սրբազանին ուղեկցեցին Քննչական կոմիտե։ Ոստիկանական մեծաթիվ ուժեր են կուտակված, որոնք մի քանի շարքով պատ կազմած կանգնել են կոմիտեի մուտքի մոտ։

Նշենք, որ Շիրակի թեմի առաջնորդ Միքայել Սրբազանը Էջմիածնից ոտքով է շարժվել դեպի Երևան։
Քաղաքացիները թույլ չէին տալիս, որ նա ինքնակամ ներկայանա Քննչական կոմիտե։ Նրանք փակել էին Մայր Աթոռի դարպասները և փորձում էին կրկին Միքայել Սրբազանին ուղեկցել Վեհարան։ Սակայն Սրբազանը հոգևորականների ու քաղաքացիների հետ երթով շարժվեց դեպի Քննչական կոմիտե։

Հիշեցնենք՝ ՀՀ քննչական կոմիտեն հայտարարել է․ «ՀՀ ՔԿ հատկապես կարևոր գործերով քննության գլխավոր վարչությունում քննվող քրեական վարույթի նախաքննության ընթացքում որոշում է կայացվել ՀԱԵ Շիրակի թեմի առաջնորդ Միքայել արքեպիսկոպոս Աջապահյանի (Գևորգ Արտաշեսի Աջապահյան) նկատմամբ ՀՀ քրեական օրենսգրքի 422-րդ հոդվածի 2-րդ մասով հանրային քրեական հետապնդում հարուցելու մասին, այն բանի համար, որ նա զանգվածային լրատվամիջոցների, տեղեկատվական և հաղորդակցական տեխնոլոգիաների օգտագործմամբ, իշխանությունը զավթելուն և սահմանադրական կարգը բռնի տապալելուն ուղղված հրապարակային կոչեր է կատարել»։

Միքայել Սրբազանը հասավ Քննչական կոմիտե