«Այս ամենը տեղի է ունենում անտարբերների համաձայնությամբ»․ Հովհաննես Ավետիսյան

Հանրային կառավարման մասնագետ Հովհաննես Ավետիսյանի ֆեյսբուքյան գրառումը․ «Գալստանյան և Աջապահյան արքեպիսկոպոսների շինծու քրեական վարույթները հայերի Մեծ Ամոթի շրջանի փաստավավերագրման ստորացուցիչ դրվագներ են:
Սրանք տեղի են ունենում, քանի որ հավաքական հայ ժողովուրդը շարունակաբար համագործակցում է օրվա հակահայ իշխանությունների հետ՝ լռելով, անտարբեր և անհաղորդ լինելով:
Աջապահյանի վրա հարուցված քրեական վարույթի շրջանակներում երեկ հարուցեցին այլ քրեական վարույթներ նույնպես: Ինձ էլ չմոռացան, վեց ժամով ապօրինի ձերբակալեցին և կարեցին հերթական շինծու գործը:
Իհարկե պատիվ է, երբ ռեժիմի թելադրանքի տակ գործող Քննչական կոմիտեն վարույթ է հարուցում՝ ասելով, թե իբր ես միջամտում և խոչընդոտում եմ, որ Աջապահյանի հետ անեն ինչ խելքներին փչում է:
Սրանով հանդերձ, կրկնեմ, որ այս գործը ոտքից գլուխ շինծու է, ռեժիմի հերթական հորինած վարույթն է:
Արձանագրում եմ ևս մեկ անգամ, որ այս ամենը տեղի է ունենում լուռ մնացածների, անտարբերների, անհաղորդների համաձայնությամբ: Եվ հենց քո համաձայնությամբ, որ կկարդաս սա լրահոսիդ մեջ որպես հերթական տեղեկատվություն և լուռ ու գլխիկոր կգնաս «քո գործերին»:
Մեկ այլ գրառմամբ Հովհաննես Ավետիսյանն ասում է․ «Վեհափառին թվում է, թե զոհաբերելով իր երկու ազգային արքեպիսկոպոսներին ազատվելու է հարձակումներից:
Չի լինելու, ռեժիմը Ձեր գլխի հետևից է»: