«Վերջում կմեղադրի ժողովրդին, որ տեր չկանգնեց իր պետությանը»․ Ոսկան Սարգսյան

Լրագրող Ոսկան Սարգսյանի ֆեյսբուքյան գրառում․ «Եթե խորհրդարանական ընդդիմությունը իսկապես ցանկանում է իշխանությունից հեռացնել Նիկոլ Փաշինյանին, 2020թ․ նոյեմբերի 9-ի կապիտուլյացիայի թաքուն ստորագրումից հետո, երբ մեկ շաբաթ իշխանությունն ընկած էր փողոցում, Նիկոլ Փաշինյանն էլ կոնֆուզի մեջ՝ ինչ-որ տեղ թաքնված էր, ինչու այդ ժամանակ չվերցրեց իշխանությունը։ Կարող եմ ենթադրել, որ արտերկրից նման հրահանգ չուներ, 2-րդ, իշխանությունը վերցնելու դեպքում ինքը պետք է իրականացներ նոյեմբերի 9-ի կապիտուլացիայի կետերը, ինչը կվնասեր իրենց հեղինակությանը։ 2022թվականի օգոստոսից ԱԺ ընդդիմադիր 2 խմբակցությունները կարող էին անվստահություն հայտնել Նիկոլ Փաշինյանին, սակայն չեն արել։ Չեն արել այդ, ինչը խոստացել էին 2021թ․ հունիսի 20-ի ԱԺ ընտրություններից առաջ։ Նիկոլ Փաշինյանին դիմադրելու 2 ճակատ կա՝ Սամվել Կարապետյանը և Հայ առաքելական եկեղեցին։ Եթե Ռուսաստանի իշխանությունը թույլ տա, ՌԴ քաղաքացի Սամվել Կարապետյանը կարող է Նիկոլ Փաշինյանին իշխանությունից հեռացել; Վեհարանի վրա գրոհը, Միքայել Սրբազանի կալանավորումը Գարեգին Բ-ին կալանավորելու գերագույն փորձն էր։ Նիկոլ Փաշինյանի համար իշխանության գլուխ մնալու համար մեկ ճանապարհ կա՝ բավարարել Ադրբեջանի և Թուրքիայի բոլոր պահանջները, ճնշել Հայ առաքելական եկեղեցուն, ընդդիմադիրներին նետել բանտերը, ինչն էլ նա իրականացնում է։ Վերջում նա կարող է կրկնել Հայաստանի պետականության կործանման պատմական փուլերի մասին իր արած հայտարարությունը, ամեն ինչում կմեղադրի ժողովրդին, որ տեր չկանգնեց իր պետությանը»։