«Նիկո՛լ, պատմության մեջ դաջվելու ես որպես անիծյալ դավաճան»․ Սամվել Ֆարմանյան

ԱԺ նախկին պատգամավոր Սամվել Ֆարմանյանի ֆեյսբուքյան գրառումը․ «Նիկո՛լ, դու կարող ես բանտարկել քո բոլոր ընդդիմախոսներին ու քեզ դուչե զգալ,
դու կարող ես մինչև վերջ խորացնել ժողովրդի անտարբերությունը, անելանելիությունն ու բարոյազրկել հանրությունը՝ քո ու շրջապատիդ բարոյազուրկ կերպարների ու խոսույթի պարտադրմամբ, դու կարող ես ստի ու մանիպուլյացիայի քո կայսրությամբ նեխած ճահիճ դարձնել մեր հանրային կյանքը, որ չվարկաբեկված կես մարդ չմնա: Որ այդ ֆոնին դու մարդանման երևաս, դու կարող ես տասնյակ պատգամավորների ու քեզ ենթակա հազարավոր պաշտոնյաների՝ ուժայիններից մինչև լրագրողներ, վերածել ուղեղներն անջատած խոսող ստրուկների ու փողի ասեղի վրա դրված վարձու քիլլերների, դու կարող ես խաղալ «ընդդիմության» թույլ կողմերի հետ, ստվերային գործարքների գնալ քաղաքական բառիգների հետ՝ հազար հատ «ընտրություն» ու քաղաքական ընթացիկ պարտիա հաղթես, դու կարող ես մինչև վերջ մաշված խաղալիք լինել քո իշխանության իրական տերերի՝ օտար ծառայությունների ձեռքում, մինչև վերջ վաճառես ու կործանես Հայաստանը ու հոգիդ փառավորված զգալ, դու կարող ես անգամ դեռ ինքդ քեզ գերազանցել դավաճանության, անբարոյականության ու սրիկայության գործում։
Բայց երկու բան փոխել չես կարող.
1) դու հայոց պատմության մեջ դաջվելու ես որպես հայրենիքի անիծյալ դավաճան:
2) դու չես կարող չեղարկել քեզ օգտագործողների մտադրությունը՝ ֆիզիկապես ազատվելու քեզանից, երբ կդառնաս քո գարշելի առաքելությունն ավարտած անպիտան գործիք՝ շնչող գլխացավանք ու վտանգավոր վկա»: