Ռուսաստանը բանակցում է թուրքական ատոմակայանի` իր բաժնեմասի վաճառքի շուրջ

Ստամբուլում կայացած ատոմային էներգետիկայի գագաթնաժողովում, Ռուսաստանի պետական «Ռոսատոմ» կորպորացիայի նախագահը տեղեկացել է, որ կորպորացիայի դուստր ընկերությունը՝ «Akkuyu Nuclear Inc», դիտարկում է իր բաժնեմասի վաճառքը։
«Որքան մոտենում ենք առաջին էներգաբլոկի՝ էլեկտրաէներգիա արտադրելու փուլին, այնքան ավելանում է ներդրողների հետաքրքրությունը»,- ասել է Դեդուսենկոն։

Թուրքիայում կառուցվող 25մլրդ դոլար արժողությամբ ատոմակայանում ռուսական 49% բաժնեմասի վաճառքի շուրջ այժմ բանակցություններ են ընթանում ինչպես թուրք, այնպես էլ արտասահմանյան ներդրողների հետ։

Թուրքիայի Մերսին նահանգում կառուցվող՝ 4,8 գիգավատ հզորությամբ «Աքքույու» ատոմակայանի առաջին բլոկը ներկայում գտնվում է փորձարկման փուլում։ Նախատեսվում է, որ այն կսկսի էլեկտրաէներգիա արտադրել 2026-ին։ Այս մասին գրում է «Էրմենիհաբեր»-ը: