«Կալանավորումը համարում եմ Հայ Առաքելական եկեղեցու դեմ ծրագրված հրեշավոր դավադրության մաս»․ Նարեկ Գալստյան

Լրագրող, քաղաքագետ Նարեկ Գալստյանի ֆեյսբուքյան գրառումը․ «Հիմա, երբ տեղեկատվական տեռորից հետո լսվում են ողջախոհության ձայները, իմ պարտքն եմ համարում արձանագրել.
Չե՛մ հավատում, որ Սրբազանը ինչ-որ բռնի գործողություն է կազմակերպել իր ընկերների հետ, որովհետև չեմ հավատում այս իշխանության ոչ մի խոսքին:
Այս իշխանությունը իբր մահափորձերի կազմակերպման ու իբր տեռորիստական ակտերի նախապատրաստման մեղադրանքով նախկինում էլ կալանավորել է բազմաթիվ մարդկանց՝ այդ թվում և Արթուր Վանեցյանին կամ Ալբերտ Բազեյանին, ու վերջում ստիպված է եղել ազատ արձակել: Նույնը լինելու է Սրբազանի հետ:
Բագրատ արքեպիսկոպոսի պայքարը, որ հետո վերածվեց Սրբազան շարժման, հայ քաղաքական մտքի ֆիասկոն էր այն պատճառով, որ սննկացած իրականության պայմաններում Սրբազանն էր ստիպված վերցրել այդ դրոշը: Ուստի և հազար ամոթ քաղաքական գործիչներին հենց դրա համար:
Իր և Միքայել արքեպիսկոպոսի կալանավորումը համարում եմ Հայ Առաքելական եկեղեցու դեմ ծրագրված հրեշավոր դավադրության մաս՝ ուղղորդված Թուրքիայի և Ադրբեջանի կողմից, կոտրելու համար մեր ինքնության վերջին սյուները:
Թե՛ Բագրատ արքեպիսկոպոսը, թե՛ Միքայել արքեպիսկոպոսը խղճի բանտարկյալներ են, որոնք համարձակվել են դեմ կանգնել Հայաստանի օկուպացիայի, մեր երկիրը թուրք-ադրբեջանական հետնախորշ դարձնելու ծրագրի դեմ:
Աստված օգնակա՜ն, Սրբազան հայրեր»։