«Եկեղեցուն ամենից շատ հետաքրքրում է ներազգային համերաշխությունը»․ Գևորգ եպիսկոպոս Սարոյան

«Եկեղեցու բարեփոխումները միայն Եկեղեցու կանոնների և կարգի համաձայն կարող են կյանքի կոչվել, հոգևոր դասից շատ որևէ մեկը չի կարող մտահոգ լինել Եկեղեցու բարեկարգմամբ»,- այս մասին «168»-ի հետ զրույցում նշել է Գևորգ եպիսկոպոս Սարոյանը։

Անդրադառնալով Բագրատ Սրբազանի և Միքայել Սրբազանի կալանավորմանը՝ ասել է․ «Մեր եղբայրներին մեղադրանք է առաջադրվել, մենք չենք հավատում, շարժվում ենք անմեղության կանխավարկածով, և մեր արդար պահանջն է, որ ամեն ինչ օրենքի և արդարության սահմաններում իրականացվի»։

Շարունակելով՝ Գևորգ Սրբազանը նշել է․ «Եկեղեցուն և հոգևոր դասին ամենից շատ հետաքրքրում է ներազգային համերաշխությունը։ Մենք ամեն ջանք ի գործ պիտի դնենք, որ համերաշխության հարցը դառնա օրակարգային, և ատելության, չարության, իրար մեղադրելու և թուրք անվանելու, դավաճան անվանելու խոսույթին վերջ դրվի»։