«Ջրհեղեղից 1 տարի անց Դիլիջան-Իջևան ճանապարհաեզրերի քանդված հատվածները չեն վերականգնել»․ Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը․ «Ջրհեղեղից մեկ տարի անց միջպետական ճանապարհի եզրերի քանդված 10 տեղամասեր չեն վերականգնել։
Նախկինում Տավուշի մարզպետ Հայկ Ղալումյանը հայտնել էր, որ 2024թ․ մայիսի 27-ի ջրհեղեղից միջպետական ավտոճանապարհի Դիլիջան-Իջևան հատվածի քանդված ճանապարհաեզրերի վերականգնման աշխատանքները կիրականցվեն 2025 թվականի առաջին կիսամյակում։ Առաջին կիսամյակն ավարտվել է, սակայն քանդված հատվածները չեն նորոգվել։ Հունիսի 27-ին մարզպետ Ղալումյանին հարցրել եմ՝ ե՞րբ է նախատեսում իրականացնել և ավարտել 2024թ․ մայիսի 27-ի ջրհեղեղից միջպետական ավտոճանապարհի Դիլիջան-Իջևան հատվածի քանդված ճանապարհաեզրերի վերականգնման աշխատանքները։ Մարզպետարանից պատասխանել են․ «2025թ․ պետական բյուջեի միջոցներով ՀՀ ՏԿԵՆ պատվիրատվությամբ նախատեսվել է իրականացնել՝ Մ-4, Երևան-Սևան-Իջևան-ՀՀ սահման միջպետական նշանակության ավտոճանապարհի Դիլիջանից մինչև Հ-30 ավտոճանապարհի հետ հատման կետ հատվածում ջրհեղեղի հետևանքով ողողված և փլուզված թվով 10 տեղամասերի վերակառուցման աշխատանքները։ Լիազոր մարմնի կողմից այն գտնվում է մրցութային գործընթացի ապահովման փուլում։ Աշխատանքները կիրականացվեն 2025թ․ ընթացքում /հստակ ժամանակահատվածը կլինի՝ պայմանագրի առկայության պարագայում»»։