«ՀՀ-ում «անցանկալի անձանց» ցուցակը կազմվում Է Անկարայում»․ Էդգար Էլբակյան

Քաղաքագետ Էդգար Էլբակյանի ֆեյսբուքյան գրառումը․ ՀՀ-ում «անցանկալի անձանց» ցուցակը կազմվում Է Անկարայում․
Դե-ֆակտո թուրքական իշխանությունների հորինած «անցանկալի անձանց» ապօրինի ցուցակը համալրվեց ևս մեկ անձով։ Փորձել եմ ժամանակագրական հաջորդականությամբ մտաբերել բոլորին՝ Մուրադ Ֆրանկ Փափազյան (ՀՅԴ), Մարգարիտա Սիմոնյան, Կոնստանտին Զատուլին, Նժդեհ Գարագավորյան (ՀՅԴ), Մասիս Աբրահամյան և դուստր Սյունե Աբրահամյան (ՀՅԴ), Անդրանիկ Միհրանյան և երեկվանից՝ Կարեն Իգիթյան։ Չեմ բացառում, որ տեղեկատվական աղմուկի մեջ այլ հայերի ևս բաց թողած լինեմ։
Այս մարդկանց միավորում է մեկ էական բան՝ Հայաստանում հաստատված թուրքական կարգերը բացահայտելը և այդ կարգերի ոչնչացման օգտին գործելը։ Անգամ դպրոցականը կարող է համոզվել այս արգելքների ապօրինի լինելու մեջ՝ կարդալով օրենսդրորեն սահմանված այն դեպքերը, երբ անձը կարող է համարվել անցանկալի։ Օրենսդրորեն սահմանված այդ կետերից և ոչ մեկը չի վերաբերում խոսքի առարկա անձանց։
Ավելին՝ Մուրադ Փափազյանի օրինակը, որ կարճ ժամանակում ի չիք դարձրեց ապօրինի արգելքը, լավագույնս ցույց է տալիս այս «գործերի» սնանկությունը։
Այս հարցի և առհասարակ ազգային բոլոր տեսակի անարդարությունների վերջը կարող է տրվել միմիայն ազգային իշխանափոխությամբ և Հայաստանում ազգային պետության կառուցմամբ, որ կզբաղվի ոչ միայն հայաստանաբնակների, այլև աշխարհասփյուռ հայության իրավունքների պաշտպանությամբ»։