«Փաշինյանը շրջանառության մեջ է դրել «ոչ թե կորցրել ենք Արցախը, այլ փրկել Հայաստանի Հանրապետությունը» արհեստական սիլլոգիզմը». Թաթուլ Հակոբյան

Լրագրող Թաթուլ Հակոբյանի ֆեյսբուքյան գրառումը․ «Լրագրող և հետազոտող լինելու գործը ինձ ստիպում է լսել և կարդալ նախկին և ներկա պաշտոնյաների տեքստերը։
ՀՀ վարչապետ Նիկոլ Փաշինյանը
ա/ բավականին գիտելիքներ է ձեռք բերել Հայաստանի քաղաքական պատմությունից, այդ թվում՝ պատմական Հայաստանի շրջանից,
բ/ պարոն Փաշինյանը կենտրոնանում է այն դրվագների վրա, որոնց ներկայացմամբ կարողանում է կամ փորձում արդարացնել իր քաղաքականությունը, տրամաբանությունը և փիլիսոփայությունը,
գ/ վարչապետն ու այս դեպքում նաև իր շրջապատը ամեն ինչ անում են բացասական լույսի տակ ներկայացնելու համար Արցախը, նրա վերջին տասնամյակների դեպքերն ու իրողությունները, որպեսզի մեղմեն Արցախի կորստի ու հայաթափման պատասխանատվության ու մեղքի իրենց բաժինը։
դ/ վերին՝ գ կետի արմատավորման համար պարոն Փաշինյանը շրջանառության մեջ է դրել «ոչ թե կորցրել ենք Արցախը, այլ փրկել Հայաստանի Հանրապետությունը» արհեստական սիլլոգիզմը»։