«Ավտոբուսի վթարից տուժած քաղաքացիների առողջական վիճակը գնահատվում է բավարար»․ ՀՀ ԱՆ

Երևանում առավոտյան տեղի ունեցած ավտոբուսի վթարից տուժած 3 քաղաքացիների առողջական վիճակը գնահատվում է բավարար, այս մասին «Փասինֆո» - ին հայտնել է ՀՀ Առողջապահության նախարարաության մամլո խոսնակ Մարիամ Ծատրյանը: Նա տեղեկացրել է, որ տուժածներից մեկը, բուժօգնություն ստանալոով, դուրս է գրվել ԲԿ-ից, երկուսը դուրս կգրվեն առաջիկայում:
Հիշեցնենք՝ այսօր՝ հունիսի 6-ին, ժամը 09:00-ի սահմաններում թիվ 31 երթուղին սպասարկող «Zhongtong» ավտոբուսը Մյասնիկյան պողոտայից դեպի Գայի պողոտա ընթանալիս՝ Գայի պողոտայի սկզբնամասում, դեռևս անհայտ հանգամանքներում, բախվել է բետոնե եզրաքարին, ապա երկաթե էլեկտրասյանը։
Վթարի հետևանքով 3 հոգի տեղափոխվել էին հիվանդանոց։