«Ասեինք՝ պասպորտդ ցույց տո՞ւր»․ Ռուբեն Ռուբինյանը՝ Ռոբերտ Աբաջյանի կեղծ պապիկի մասին

ԱԺ-ում ընդդիմադիր պատգամավորների նկատմամբ քրեական հետապնդում հարուցելու վերաբերյալ հարցի քննարկման ժամանակ հնչած ելույթներից հետո փոխխոսնակ Ռուբեն Ռուբինյանը պարզաբանեց ամենից շատ շահարկվող մեղադրանքներից մեկը՝ Ռոբերտ Աբաջյանի կեղծ պապիկի դրվագը․ «Սա լավ առիթ է դեպքը պարզաբանելու համար։ Ապրիլի 23-ն էր, Սերժ Սարգսյանն արդեն հրաժարական էր տվել, փողոցները լիքն էին 100 հազարավոր մարդկանցով, Դաշնակցությունն էլ միացել էր հեղափոխությանը։ Կարիք չկար կեղծ մարդկանց բերել՝ ժողովրդական աջակցություն ավելացնելու համար։ Ինձ մոտեցան մեր թիմակիցները մի մարդու հետ՝ ձեռքը Ռոբերտ Աբաջյանի նկարը, ով ասաց, որ Ռոբերտ Աբաջյանի պապիկն է և ուզում է ելույթ ունենալ։ Օրինակ՝ իմ տեղը լինեիք, ի՞նչ պետք է անեիք, պետք է ասեիք պասպորտդ ցույց տո՞ւր։ Հետո որ պարզվեց, այդ մարդը Ռուբերտ Աբաջյանի պապիկը չի, մենք հարապարակավ ներողություն խնդրեցինք. այս մասին ոչ ոք չի ուզում հիշել»,- ասաց Ռուբինյանը։