«Ճար ունենան՝ Հենրիխ Մխիթարյանին ու Լևոն Արոնյանին էլ կդատեն». Արթուր Սարգսյան

ԱԺ արտահերթ նիստը շարունակվում է: Գլխավոր դատախազը միջնորդել է համաձայնություն տալ «Հայաստան» խմբակցության պատգամավոր Արթուր Սարգսյանի նկատմամբ հանրային քրեական հետապնդում հարուցելուն: Այս պահին ելույթ է ունենում Արթուր Սարգսյանը: Նա ասաց, որ սպասում էր նման զարգացումներին: «Օրվա իշխանության համար հանցագործ է ցանկացած ոք՝ լինի բարերար, թե հոգևորական, պետական գործիչ, թե մտավորական, եթե նա ազգային է ու բարոյական, եթե չի քծնում ու չի հանձնվում: Ճար ունենան՝ Հենրիխ Մխիթարյանին ու Լևոն Արոնյանին էլ կդատեն՝ հայ լինելու, հայի անունը բարձր պահելու համար»,- իր խոսքում ասաց Սարգսյանը: