«Տեսնես մի օր կբացահայտի՞, թե այս ինչ «քիմիա» է աշխատում իր և Փաշազադեի միջև»․ Տաթևիկ Հայրապետյան

Ադրբեջանագետ Տաթևիկ Հայրապետյանի ֆեյսբուքյան գրառումը․ «Երկրի գերագույն գլխավոր «ստատուսագիրը», ով համատեղության կարգով նաև գինեկոլոգ է, ուրոլոգ, դատախազ, դատավոր, Շերլոկ Հոլմս, «ամենայն հայոց» բացահայտիչ ու պայծառատես, տեսնես մի օր կբացահայտի մեր՝ միամիտ «վաթսոններիս» համար, թե այս ինչ «քիմիա» է աշխատում իր և Փաշազադեի միջև։ Ինչո՞ւ Փաշազադեի ասածներից նա առհասարակ չի ազդվում, երբեք չի ուզում արձագանքել, նրա «մոլեռանդ» կրոնական զգացմունքները չեն արթնանում, տակավին հակառակը՝ Փաշազադեի ելույթից հետո նա նոր ավյունով է հարձակվում Էջմիածնի, հայոց Վեհափառի ու Հայ առաքելական եկեղեցու վրա։
Հույս ունեմ՝ կբացահայտի, մենք էլ իմանանք էլի, սխալ բաներ չմտածենք իր ու Փաշազադեի գերբնական կապի մասին»։