«Փողոցային պայքարն ու նստացույցը դադարեցնում ենք»․ Ապրես Մարգարյան

«Այս փուլում փողոցային պայքարը դադարեցնում ենք»,- լրագրողների հետ զրույցում ասաց «Արցախցիների իրավունքների պաշտպանության» խորհրդի անդամ Ապրես Մարգարյանը։ Նա նշեց, որ դադարեցնում են նաև նստացույցը, ինչպես նաև խորհուրդը դուրս է գալիս Արցախի ներկայացուցչության շենքից․ «Այլ ֆորմատով ենք աշխատելու։ Քաղաքական կուսակցությունների հետ գործընկերության մասով էլ վերանայումներ կլինեն։ Այստեղ պետք է կանգնած լինեին Արցախի նախկին–ներկա պաշտոնյաներ։ Խորհրդի կազմը ևս վերկազմակերպելու է»,- ասաց Մարգարյանը։

«Երբ լինի հանրային աջակցություն՝ մենք պատրաստ ենք կրկին առաջնորդել»,-ասաց նա։
Նշենք, որ արցախցիները հուլիսի 12-ի հանրահավաքից հետո նստացույց էին իրականացնում, իսկ այսօր էլ կազմակերպվել էր բողոքի ակցիա կառավարության շենքի դիմաց։ Ակցիան մարդաշատ չէր, «Արցախցիների իրավունքների պաշտպանության» խորհրդի անդամ Ապրես Մարգարյանի խոսքով արցախցիներն ուղղակի հիասթափված են։