«Շատ կուզեի խոսել սահուն, գրական հայերենով»․ Տաթևիկ Կարապետյան

Սամվել Կարապետյանի դուստրը՝ Տաթևիկ Կարապետյանը, ինսթագրամյան էջում տեսանյութ է հրապարակել, որտեղ «Ինչո՞ւ չես խոսում հայերեն․․․»,- հայտնի բանաստեղծության տողերն արտասանելուց հետո նա ասում է․ «Այս ստողերը հայրս հաճախ էր ասում մեզ։ Հատկապես այս օրերին, շատ կուզեի խոսել սահուն, գրական հայերենով: Պարզ, բաց իմ հայրենակիցներին պատմել այն ամենի մասին, ինչ տեղի է ունենում մեր ընտանիքի շուրջ և հատկապես հորս հետ: Ինչպես շատ հայեր, ես էլ մեծացել ու կրթություն եմ ստացել հայրենիքից դուրս, և գուցե գրական հայերենս կատարելագործելու կարիք ունի, բայց դա ինձ ավելի քիչ հայ չի դարձնում: Ես ազատ խոսում եմ հայերեն՝ Մշո բարբառով։ Այնով մտածում, ապրում, շփվում են։ Ես մեծ սիրով շարունակում եմ զարգացնել իմ հայերենը»,-ասում է նա։