«Դասական տեղեկատվական ծուղակ է այս ամենը». Արման Աբովյան

ԱԺ նախկին պատգամավոր Արման Աբովյանի ֆեյսբուքյան գրառումը․ «Այն, ինչ կատարվում է այսօր տեղեկատվական դաշտում (խոսքը Սյունիքից միջանցքի մասին է, որը համաձայն տեղեկատվական տարափի, պետք է հանձնվի ամերիկացիներին վարձակալություն ներքո «100» տարով), լրիվ հիշեցնում է հատուկ ծառայությունների գործողությունները տեղեկատվական դաշտում։
Տեսեք ինչ պատկեր է մարդկանց ենթագիտակցության մեջ ձևավորվում։
Մարդիկ արդեն չեն քննարկում, կլինի թե չի լինի միջանցք (այսինքն մերվել են այդ մտքի հետ) մարդկանց քննարկելու թեման այն է, թե ով է վերահսկելու Սյունիքով ճանապարհը։ Ո՞վ: Ամերիկացիները, թուրքերը, եվրոպացիները, իրանցիները, թե ռուսները... Հայաստանի մասին արդեն խոսք չկա։
Դե ես միտումնավոր չեմ մեջբերում ՀՀ իշխանության դիրքորոշումը (որն իսպառ հերքեց միջանցքային տրամաբանությունը, աութսորսը, կամ ամեիկացիներին «արենդայի» տարբերակները), քանզի բոլորիս հայտնի է, թե ինչպես արագ և անկաշկանդ իշխանության կարծիքը պահի տակ կարող է փոխվել։
Բա։ Դասական տեղեկատվական ծուղակ է այս ամենը: