«Սրանց խաղաղություն պետք չէ, պատրաստվում են պատերազմի, բանակցություններն իմիտացիա են»․ Վարդան Բալյան

Քաղաքական վերլուծաբան Վարդան Բալյանի ֆեյսբուքյան գրառումը․ ««Արևմտյան Ադրբեջանի համայնք» անունով կազմակերպությունը հրատարակել է «Արևմտյան Ադրբեջանի ժառանգությունը» գրքի 1-ին հատորը: Հուլիսի 3-ին շնորհանդես Նաֆտալանում, Զարդաբում, հուլիսի 4-ին՝ Աղստաֆայի, 7-ին՝ Շամքորի, Ապշերոնի, Խաչմազի, 8-ին՝ Գոյգոլի, Բիլասավուրի, Յասամալի,Սիյազանի, մեկ օր անց՝ Սաաթլիի, Քենգերլիի, Հաջիբուլաղի, Մինգեչավուրի, Եվլախի, Իմիշլիի, Գեդաբեյի, Օրդուբադի, Շիրվանի, 10-ին՝ Աղսուի, Ջալիլաբադի, Դաշքեսանի, Լերիքի, Սամուխի, Ուչարի, Քախի,Նիզամիի, Բաքվի Փիրալլահի շրջաններում, 11-ին՝ Նախիջևան քաղաքում, Աստարայի, Գոյչայի, Քելբաջարի, 14-ին Գյանջայի, Ղազախի, այսօր Բալախան քաղաքում, Գոբուստանի, Սուրախանի, Ղուբայի շրջաններում...
Բոոր այս միջոցառումները կազմակերպվում են պետական ֆինանսավորմամբ ու պետական կառույցների աջակցությամբ՝ վարչական շրջանների ղեկավարության մասնակցությամբ:
«Այսօր մենք գիտենք, որ Արևմտյան Ադրբեջանի հողերի վրա է ստեղծվել հայկական պետությունը: Երևանի խանությունը, Զանգեզուրը, Գոյչան մեր պատմական հողն է, մենք ադրբեջանցիներս պետք է վերադառնանք այդ հողեր, ու մենք կվերադառնանք՝ բացականչության նշան» :
Սա գրում եմ, որպեսզի բոլորիս հասկանալի լինի, որ սրանց ոչ մի խաղաղություն պետք չէ, սրանք պատերազմի են պատրաստվում ամեն օր, իսկ բանակցությունները իմիտացիա են ընդամենը: Այդպես արեցին Արցախը գրավելու նախապատրաստության տարիներին, բայց հիմա հաստատ 30 տարի չեն ձգելու: Ի վերջո, պետք է առերեսվել իրողությունների հետ ու միջազգային կեղծ փրկիչներ չփնտրել, այդպիսիք չեն եղել, չկան ու չեն լինելու»: