««Հայրենիք» կուսակցությունը կկանգնի ցանկացած առողջ ուժի կողքին»․ Արթուր Վանեցյան

«Ես բազմիցս ասել եմ՝ չբացառելով փողոցային պայքարը և հնարավորությունը՝ Նիկոլ Փաշինյանին օր առաջ իշխանությունից զրկելու, մենք պետք է պատրաստվենք նաև ընտրությունների, որովհետև ընտրություններն, այսպես թե այնպես, մի օր լինելու են, և իշխանությունն իր վարչական լծակներով պատրաստ է լինելու ընտրություններին, իսկ ընդդիմությունը, ցավոք սրտի, պատրաստ չի լինելու, եթե հիմիկվանից չպատրաստվի»,- լրագրողների հետ զրույցում նշեց ԱԱԾ նախկին տնօրեն, «Հայրենիք» կուսակցության նախագահ Արթուր Վանեցյանը՝ հավելելով, որ Փաշինյանը ձերբակալում է ընդդիմության ներկայացուցիչների, տարբեր գործիչների՝ շեղելով ընտրություններին նախապատրաստվելու օրակարգից։

«Ընտրություններին պետք է պտրաստվել՝ չբացառելով փողոցային պայքարը։ Ցանկացած ընդդիմադիր ուժ, որը կկարողանա առաջնորդել ու իրագործել օր առաջ Նիկոլ Փաշինյանին իշխանությունից հեռացնելը, դա միայն ողջունելի է, ես «Հայրենիք» կուսակցության անունից եմ հայտարարում, կկանգնենք ցանկացած այդպիսի առողջ ուժի կողքին՝ մեր ներուժով»։