«Նիկոլ Փաշինյանը «միջանցքի» հարցը լուծում է այնպես` ինչպես Արցախի հարցը»․ Արմենակ Դանիելյան

Երևանի ավագանու «Մայր Հայաստան» խմբակցության անդամ Արմենակ Դանիելյանի ֆեյսբուքյան գրառումը․ «Նիկոլ Փաշինյանը Սյունիքի միջանցքի հարցը լուծում է ճիշտ այնպես՝ ինչպես լուծեց Արցախի հարցը։
Նա ասում էր՝ Ղարաբաղի հարցի լուծումը պետք է ընդունելի լինի Հայաստանի ժողովրդի, Արցախի ժողովրդի և Ադրբեջանի ժողովրդի համար։ Արդյունքում Ղարաբաղի հարցը լուծվեց այնպես, որ այն ընդունելի է միայն Ադրբեջանի ժողովրդի համար։
Հիմա սա ասում է, որ միջանցքի բացումը ձեռնտու է տարածաշրջանի բոլոր երկրներին, բայց իրականում այն ձեռնտու է միայն Թուրքիայի ու Ադրբեջանի համար։
Նա ասում էր՝ Արցախը Հայաստան է և վերջ, բայց հետո արեց այնպես, որ դարձավ Ղարաբաղը Ադրբեջան է և վերջ։
Հիմա պնդում է, որ այդ ճանապարհի անունը ինչ ուզում եք դրեք՝ միջանցք, ճանապարհ, խաչմերուկ, միևնույն է այն մնում է Հայաստանի տարածքային ամբողջականության մեջ, այլ կերպ ասած Նիկոլ Փաշինյանն ասում է՝ Միջանցքը հայաստան է և վերջ, սակայն այն իրականություն դառնալու դեպքում ստացվելու է՝ միջանցքը թուրքական է և վերջ։
Եվ ուրեմն, քանի դեռ Հայաստանի Հանրապետությունը չի արժանացել Արցախի Հանրապետության ճակատագրին, հայաստանցիներն էլ չեն արժանացել արցախցիների ճակատագրին՝ նիկոլից պետք է ազատվել, նիկոլին պետք է հեռացնել»։