«Ակնկալվում է կանանց իրավունքներով զբաղվողների աջակցությունը՝ Լիդյայի խափանման միջոցը փոխելու համար»․ Սարհատ Պետրոսյան

Կադաստրի կոմիտեի նախկին ղեկավար Սարհատ Պետրոսյանի գրառումը. «Ոսկե Ծիրանի ու Շառլ Ազնավուրի բոհեմա-երևանյան քաղցր ժապավենը կտրեմ։
Արդեն մոտ երեք շաբաթ է, ինչ դեռ չապացուցված «հեղաշրջման» գործով կալանավորվածների թվում է Լիդյա Մանթաշյանը, Տավուշի Թեմի աշխատակազմի նախկին ղեկավարը, ով գրեթե առնչություն չունի «փաստական» որևէ իրողության հետ։ Լիդյան հաստատ շատ կջղայնանար ու իր լուռ, բայց շատ բան ասող, հայացքով կնայեր ինձ, բայց Լիդյան նաև կին է, ինձ համար քաղաքական բանտարկյալ ինչպես մյուսները, բայց չեմ նկատել կանանց իրավունքներով զբաղվող անհատների ու կազմակերպությունների աջակցությունը նրա մասով։ Ուզում եմ տեսնել ու լսել անհատների ու կազմակերպությունների դատապարտումը որոնք մարդու, տվյալ դեպքում կնոջ, իրավունքների պաշտպանությունը ներքաղաքական ու աշխարհաքաղաքական նախընտրություններով չեն պայմանավորում, այլ իրապես անհատի ազատություններով ու իրավունքներով։
Չեմ մատնանշում կոնկրետ ֆեյսբուքյան ընկերների, բայց կարծում եմ նրանք, կարդալով սա, կենթադրեն, որ հենց իրենց աջակցությունն են ակնկալում՝ Լիդյայի խափանման միջոցը փոխելու պաշտպանական խմբի ջանքերին միանալով»։