«Իմ հորը վախեցնել հնարավոր չէ, նա սկզբունքային մարդ է»․ Սամվել Հակոբյան

«Դատը պետք է ժամը տասներկուսին սկսվեր, հորս առողջականը վատթարացել է մի պահ, շտապօգնություն է եկել։ Այդ իսկ պատճառով նիստն ուշացել է։ Արդեն երևի կսկսեն»,- դատարանի բակում հայտարարեց ԱԺ նախկին պատգամավոր Ռուբեն Հակոբյանի որդին՝ Երևանի ավագանու ընդդիմադիր անդամ Սամվել Հակոբյանը։ «Սա Նիկոլ Փաշինյանի հերթական թրքահպատակ, ապիկար դրսևորումն է, հերթական ռեպրեսիան։ Բայց իմ հորը լռեցնել, վախեցնել հնարավոր չէ, նա սկզբունքային մարդ է»,- նշեց նա։

Ավելի վաղ հայտնել էինք, որ Ռուբեն Հակոբյանին ձերբակալել են, քննիչը կալանքի միջնորդություն է ներկայացրել։