«Ո՞նց կարա մարդ քշի, փախնի». Արամ Մելիքյանը՝ վթարի մասին

Պրոդյուսեր, շոումեն Արամ Մելիքյանը հուլիսի 25-ի ուշ երեկոյան տեսանյութ է տարածել ֆեյսբուքյան իր էջում՝ հայտնելով իր հետ պատահածի մասին. «Ընկել եմ ավտոյի տակ: Ուրեմն Տերյան փողոցում ուզում եմ փողոցն անցնել, ընդ որում՝ չթույլատրվող մասով, բայց մեքենան կանգնում է, ցույց տալիս, որ անցնեմ: Անցնում եմ, մեկ էլ մեքենան արագանում ա, չգիտեմ՝ միտումնավոր, թե հանկարծակի, շատ արագանում ա: Հասցնում եմ, բարձր թռնում եմ, ավտոն խփում ա ոտքիս ու կոշիկիս: Ոտքս շատ չի վնասվում, այսինքն՝ ֆռցնում ա, ընկնում եմ գետնին, ձեռքերով ինձ պահում... Պտտվում եմ, տեսնում քշած գնում ա: Ո՜նց գժված կվազեմ: Կանգնում ա, դուռը բացում, մի հատ 20 տարեկան սիրիահայ կամ պարսկահայ, անթրաշ, մազերը հետ տարած: Բա՝ կներեք, կներեք: Ոչինչ չարեցի, դուռը փակեցի, ասացի՝ գնա... Ո՞նց կարա մարդ քշի, փախնի, ո՞նց կարա պատասխանատվություն չկրի իրա արածի համար»,- ասել է Մելիքյանը: