ԲՀԿ ներկայացուցիչները նամակ են հանձնում Իրանի դեսպանին․ ՈՒՂԻՂ ՄԻԱՑՈՒՄ

205

Երկուշաբթի, 27 հուլիսի, 2026 թ., 12:30

ԲՀԿ առաջնորդ Գագիկ Ծառուկյանի աջակիցները հավաքվել են ՀՀ-ում Իրանի դեսպանատան դիմաց՝ նամակ փոխանցելու դեսպանին։ Ինչպես իր խոսքում հայտնեց ԲՀԿ խոսնակ Իվետա Տոնոյանը, Գագիկ Ծառուկյանի ձերբակալման հետ կապված մի շարք նամակներ են ուղարկվել տարբեր դեսպանատներ, իսկ այսօր որոշել են Իրանի դեսպանին անձամբ փոխանցել ԲՀԿ-ի նամակը։ «Մեզ համար անընդունելի է, որ Իրանի 2 քաղաքացիների՝ 2 խարդախների, խաբեբաների կեղծ ցուցմունքների պատճառով վտանգված են հայ-իրանական դարավոր բարեկամական հարաբերությունները։ Սա կեղծ, անհիմն մեղադրանք է, որի հիման վրա կալանավորվել է Գագիկ Ծառուկյանը, սա նաև որոշակի շարժառիթներ ունի և որոշակի անձինք ու երևույթներ են կանգնած սրա հետևում, որոնք հստակ նպատակ ունեն՝ վատթարացնելու հայ-իրանական հարաբերությունները»,- նշեց Տոնոյանը։