«ՔՊ-ն խախտում է տրամաբանության էլեմենտար կանոնները». Ռուբեն Մելիքյան

Փաստաբան Ռուբեն Մելիքյանի ֆեյսբուքյան գրառումը. «Արա, էս քպ-ն չի թողնում մարդ գոնե երկու օր իրանց չհիշի ու չհիշատակի։
Ուրեմն, Ռուբեն Մխիթարյանը հայտարարել է, որ Գյումրու կենտրոնական հրապարակում ԻՐ ԿԱԶՄԱԿԵՐՊԱԾ Վարդավառի միջոցառումը չեղարկում է, քանի որ Շիրակի թեմի առաջնորդն ապօրինի կալանավորված է, իսկ այդ պայմաններում մեծ շուքով տոն նշելը բարոյական չէ։ Ճիշտ որոշում, անխոցելի հիմնավորում։ Ի՞նչ է անում քպ-ն: Մուննաթ է գալիս ու քննադատում է Ռուբենին։ Ասում է՝ ի՞նչ իրավունք ունես գյումրեցիներին զրկել տոնից:
Էրեկ էլ ինչ-որ տեղ կարդացի, որ Ռոմանոսը հայտարարել է, որ Կարապետյանները պարտավոր են շարունակել իրենց ներդրումները ՀԷՑ-ում։ Չնայած նույն Ռոմանոսը հրաժարվում է կատարել միջազգային դատական ատյանի որոշումն ու ազատել Կարապետյանների ՍԵՓԱԿԱՆՈՒԹՅՈՒՆԸ հանդիսացող աթոռը։
Սրանք ոչ միայն պետական, միջազգային, բարոյական, եկեղեցական օրենքներն են խախտում, այլև տրամաբանության էլեմենտար կանոնները, Գոշի ասած՝ «բնավորական օրենքը»»: