Թայլանդի սահմանին տեղի ունեցած հրետակոծության հետևանքով կամբոջացի գեներալ է զոհվել

Կամբոջայի բանակի գեներալ-մայոր Դուոնգ Սոմնեանգը զոհվել է Թայլանդի և Կամբոջայի սահմանին տեղի ունեցած բախումների ժամանակ՝ հրետանային կրակի հետևանքով, գրել է թաիլանդական «Nation» թերթը։
Բախումները տեղի են ունեցել վաղ առավոտյան Թայլանդի հյուսիս-արևելքում գտնվող Սիսակետ նահանգի Ֆու Մա Կուա և Չոնգ Տա Տհաո շրջաններում՝ երկու երկրների միջև սահմանին։ Թերթի տվյալներով՝ թայլանդական զորքերը կարողացել են պահպանել իրենց դիրքերը և կամբոջական զորքերին դուրս մղել տարածքից։
«Կամբոջական զորքերը փորձել են հակագրոհի անցնել, ինչը հանգեցրել է բազմաթիվ զոհերի կամբոջացիների շրջանում։ Զոհվածների թվում էր գեներալ-մայոր Դուոնգ Սոմնեանգը, որը զոհվել է հրետանային կրակի հետևանքով», - գրում է հրատարակությունը։
Թերթը նշում է, որ մահացած գեներալ-մայորը Կամբոջայի թագավորական զինված ուժերի 7-րդ դիվիզիայի հրամանատարն էր՝ առաջին բարձրաստիճան զինվորականը, ով զոհվել է երկու երկրների զինված ուժերի միջև հուլիսի 24-ին սկսված սահմանային մարտերում։