«Վերջին 24 ժամերին աշխարհի ամենաշոգ 8 քաղաքներից 5-ը հարևան Իրանում են». Վարդան Բալյան

Քաղաքական վերլուծաբան Վարդան Բալյանի ֆեյսբուքյան գրառումը. «Չափազանց շոգ եղանակի ֆոնին սփոփիչ տեղեկատվություն է այն, որ վերջին օրվա ընթացքում ամենաբարձր ջերմաստիճանը, այդուհանդերձ, Քուվեյթի մայրաքաղաք Ալ-Քուվեյթում է՝ 50.7 աստիճան: Երկրորդ տեղում իրանական Օմիդիե քաղաքն է՝ 50, երրորդում՝ իրաքյան Բասրան՝ 49.1, չորրորդում՝ սաուդյան Ալ-Ահսան է՝ 48.6,ա ստիճան: Առաջին քառյակին հաջորդող քառյակը ներկայացնում են մեր հարևան Իրանը՝ Աբադան՝ 48.6, Ահվազ,՝ 48.6, Դեզֆուլ՝ 48.6, Ֆաո՝ 48.6 աստիճան: Վերջին 24 ժամերին աշխարհի ամենաշոգ ութ քաղաքներից 5-ը հարևան Իրանում են, ևս մեկ լուրջ պատճառ տապից փրկություն գտնել զով արևի օազիս Սիսիանում, որտեղ օգոստոսի 5-ին մեր Ալիկ և Արա Ավետիսյանների համերգն է Սիսիանի հրապարակում, օգոստոսի 10-ին՝ հայ-իրականան խոհարարական հերթական փառատոնը, հաջորդ օրվա լուսադեմին՝ ավանդույթի ուժով Հայկի համաստեղությանը Զորաց քարերում դիմավորելու ծիսակարգը և, իհարկե, ամենաշքեղ ու ամենավառ աստղաթափը՝ օգոստոսի 12-ի լույս 13-ի գիշերը: Ասում են, Լոպեսն էլ է լինելու»: