«Պետք է ամեն ինչ անել, որպեսզի խաղաղության պայմանագրի հիմնական կնքումից առաջ Ադրբեջանը դուրս բերի իր զորքերը ՀՀ-ից». Նորիկ Նորիկյան

«Արդար Հայաստան» կուսակցության նախագահ Նորիկ Նորիկյանի ֆեյսբուքյան գրառումը. «Պետք է անել հնարավոր ամեն ինչ, որպեսզի խաղաղության պայմանագրի հիմնական կնքումից առաջ Ադրբեջանը դուրս բերի իր զորքերը Հայաստանից
Ընթերցեցի ս․թ․ օգոստոսի 8-ին Վաշինգտոնում նախաստորագրված Հայաստանի Հանրապետության և Ադրբեջանի Հանրապետության միջև խաղաղության և միջպետական ​​հարաբերությունների հաստատման մասին նախաստորագրված համաձանագիրը։
Համաձայնագրի 6-րդ և 7-րդ հոդվածների բովանդակությունից ինձ համար ակնհայտ է դառնում, որ անգամ խաղաղության պայմանագրի հիմնական կնքումից հետո Ադրբեջանը չի հանելու իր զորքերը Հայաստանի զավթված շուրջ 200քմ տարածքից, քանի որ, ըստ համաձայնգրի 7-րդ հոդվածի՝ Կողմերը, մինչև իրենց փոխադարձ սահմանի սահմանազատումը և դրան հաջորդող սահմանագծումը, կիրականացնեն անվտանգության և վստահության ամրապնդման փոխհամաձայնեցված միջոցներ, այդ թվում՝ ռազմական ոլորտում՝ սահմանամերձ շրջաններում անվտանգությունն ու կայունությունն ապահովելու նպատակով։
Այլ կերպ ասած, Ադրբեջանը, վկայակոչելով վերը նշված հոդվածը, կարող է տարիներ շարունակ դուրս չբերել իր զորքերը Հայաստանից՝ տարբեր պատճառաբնություններով։
Բավական է նշել, որ Հայաստանն ու Վրաստանը դեռևս չեն ավարատել հայ-վրացական սահմանի դելիմիտացիան ու դեմարկացիան, որը տևում է տասնյակ տարիներ։
Չեմ կասկածում, որ Ադրբեջանը կանի հնարավոր ամեն ինչ՝ Հայաստանից զավթած ռազմավարական բաձունքները չվերադարձնելու համար։
Կարծում եմ՝ պետք է անել հնարավոր ամեն ինչ, որպեսզի խաղաղության պայմանագրի հիմնական կնքումից առաջ Ադրբեջանը դուրս բերի իր զորքերը Հայաստանից»: