«Նրանք չկարողացան, բայց դուք կարողացաք նենգաբար խփել հային թիկունքից»․ Մանուել Մանուկյան

Ակտիվիստ Մանուել Մանուկյանի ֆեյսբուքյան գրառումը. «ՔՊ պատգամավորները և նիկոլի թիմակիցները գրում են՝ կեցցես, նրանք չկարողացան դա անել, բայց դու ամեն ինչի միջով անցնելով, արեցիր դա։ Նկատի ունեն նրանք չկարողացան 7000 տղու դավադրաբար սպանել, 15.000 տղու դարձնել հաշմանդամ, 150.000 արցախցու թողնել անտուն, Արցախը կեղծ պատերազմի անվան տակ հանձնել, ողջ արցախյան հերոսամարտը ջուրը գցել, ուրանալ միլիոն ու կես նահատակների հիշատակը, ուրանալ Մասիս սարը, Արևմտյան Հայաստանը, մեր պատմությունը, կատարել Ալիևի հրամանները, պարտավորվել փոխել մեր Սահմանադրությունը, զիջել Հայաստանի տարածքից, խաբել ողջ ազգին տարիներ շարունակ և այլն... Այո, նրանք չկարողացան այսքան ստորություն և սրբապղծություն անել Հայի հանդեպ, կարողա՝ կերան, թալանեցին, հարստացան, բայց հանուն իշխանության չհամաձայնվան այսքան սրբապղծություններ անել Հայ Ազգի հանդեպ։ Այո դուք ճիշտ եք, նրանք չկարողացան, բայց դուք կարողացաք նենգաբար խփել հային թիկունքից, դուք ամենանենգը և ամենաստորը դուրս եկաք»: