Բանակում կրճատումներ են․ «Հրապարակ»

«Հրապարակ»-ը գրում է․ «Մեր տեղեկություններով՝ բանակում և ողջ զինվորական համակարգում համատարած կրճատումներ են: Մեր աղբյուրի խոսքով՝ պաշտպանության նախարարությունում, ինչպես նաև նախարարությանը ենթակա զորամասերում վերջին ամիսներին մի քանի տասնյակ զինվորական է կրճատվել՝ առանց որևէ էական բացատրության:
Մեր աղբյուրը նշում է, որ թիրախում հատկապես այն զինվորականներն են, որոնք ատեստավորում չեն անցել, սակայն շարունակում են իրենց աշխատանքը չնչին աշխատավարձերով:

Չնայած այս ամենին, մեր աղբյուրը նշում է նաև, որ բանակում աննախադեպ մեծացել է քաղաքացիական անձանց թիվը՝ ի հակակշիռ զինվորականների:

Մեր աղբյուրի խոսքով՝ զինվորական խավն այս ամենը կապում է առաջին հերթին ֆինանսներ տնտեսելու պետական քաղաքականության հետ, նոր միայն՝ հայ-ադրբեջանական խաղաղության»։

Մանրամասները՝ թերթի համարում։