«Թուրքին սպասարկող «խալիչա» ենք դառնում, այս ամենի դեմ ամբողջ հայ ժողովրդի պայքարը պետք է լինի»․ Մարգարիտ Եսայան

«Պատերազմ բերած, այդքան զոեր տված, Արցախը հանձնած, ՀՀ սուվերեն տարածքից 200 կմ-ից ավելին թշնամու հսկողության տակ թողած «ղեկավարը» իրավունք չունի խոսելու խաղաղության մասին, Նիկոլ Փաշինյանը մեր պետությունը և մեզ՝ բոլորիս տանում է գերեզմանային խաղաղության»,- «24Նյուզ»-ի հետ զրույցում այս տեսակետը հայտնեց ՀՀԿ ԳՄ անդամ Մարգարիտ Եսայանը։

Նրա դիտարկմամբ՝ ՀՀ-ն ո՛չ ԱՄՆ-ի, ո՛չ էլ Ադրբեջանի կողմից այլևս չի դիտարկվում որպես անկախ, ինքնիշխան պետություն, այլ դիտարկվում է որպես մի տարածք, որտեղ ունեն իրենց դրածոն, որն իրականացնում է իրենց քմահաճույքները։

Եսայանի խոսքով՝ Փաշինյանը Սյունիքը որպես ճանապարհ հանձնում է օտար ուժերին․ ստորագրված փաստաթղթում չկա որևէ իրավունք, որն ունենալու է ՀՀ-ն։

«Խելքներս գլուխներս պիտի հավաքենք․․․ Անհասկանալի անգործություն է, միայն ստատուսներով չպետք է պայքարենք։ Հայաստանը ոտնատակ տվեցին, մեծ միջանցք ենք դառնում։ Ձե՞ռք է տալիս այս իրավիճակը․․․ Այսինքն՝ մենք պետք է դառնանք թուրքին սպասարկող «խալիչա», որ մեր վրա ծնկեն ու նամազ անե՞ն, մենք էլ հանգիստ նստե՞նք, ես դրան համաձայն չեմ․․․ Այս ամենի դեմ ամբողջ հայ ժողովրդի պայքարը պետք է լինի»,- ընդգծեց Եսայանը։