«Հայկ Մարությանի իշխանամետ ինքնաբացահայտումը շատ կարևոր էր». «ՀայաՔվե»

«ՀայաՔվե»-ի թելեգրամյան գրառումը․ «Կան ընդդիմադիր ներկայացող քաղաքական ուժեր և գործիչներ, օրինակ՝ Հայկ Մարությանը, որոնք ողջունել են վաշինգթոնյան հուշագիրը, պնդել, թե Հայաստանը դրանից շահում է: Դա վկայում է, որ այս անձինք և ուժերը բնավ ընդդիմադիր չեն:

Հիմա հասարակությունը կարող է նայել և եզրակացնել՝ այն քաղաքական ուժերը, որոնք դատապարտել են միջանցքի հանձնումը, ընդդիմադիր են, իսկ ովքեր լռել կամ ողջունել են, կեղծ ընդդիմադիրի քողի տակ թաքնված իշխանամետ ուժեր են։ Դրա համար շատ կարևոր է, որ դաշտում առկա բոլոր հիմնական քաղաքական ուժերը հստակ դիրքորոշում հայտնեն:

Այն քաղաքական ուժերը, որոնք աջակցում են Փաշինյանին միջանցք բացելու հարցում, նրա արբանյակներն են։ Այն, որ, օրինակ, Արամ Զավենի Սարգսյանն այդպիսին է, դրանում կասկած չկար, բայց, օրինակ, Հայկ Մարությանի իշխանամետ ինքնաբացահայտումը ևս շատ կարևոր էր: Նա, այդպիսով, ցույց տվեց, թե իրականում որ բևեռում է գտնվում»: