«Լավ առիթ է, որ Սամվել Շահրամանյանը պատմի Արցախի վերջին դեպքերի մասին»․ Թաթուլ Հակոբյան

Լրագրող Թաթուլ Հակոբյանի ֆեյսբուքյան գրառումը․ «Այսօր իմ ձեռքի տակ կլինի Հայաստանի/Հայոց պատմություն դասագրքի 9-րդ դասարանի նոր հրատարակությունը, որ շատ քննադատվել է ընդդիմության կողմից:
Այն կարդալուց հետո, նկատի ունեմ Արցախի մասին Նժդեհ Հովսեփյանի մասը, անպայման կարձագանքեմ: Արցախի մասին իմ ունեցած գիտելիքներն ու տարիների փորձը, մի քանի հատորներն ու բազմաթիվ ուսումնասիրությունները ինձ թույլ են տալիս գրաքննեմ այդ հատորը:
Միանգամից ասեմ, որ Նժդեհի մասին շատ լավ կարծիք ունեմ, չեմ կասկածում նրա ակադեմիական բարեխղճությանը: Նրան համարում եմ այն քիչ հայ պատմաբաններից, որոնք պատմաբան են և պատմությունը չեն խառնում հայրենասիրության և երազանքի ու ցանկությունների հետ:
Բայց այսօր այլ բան եմ ուզում գրել:
Արցախի վերջին նախագահ Սամվել Շահրամանյանն ու նրա աջակիցները, ովքեր դատի են տալիս՝ լինի իրավական կամ պատմական իմաստով, իմ կարծիքով, այլ բան պետք է անեն:
Նրանք և առաջին հերթին պարոն Շահրամանյանը, պետք է պատմեն Արցախի վերջին շաբաթների, օրերի ու ժամերի դեպքերը, թեկուզ իրենց տեսանկյունից:
Դա պետք էր անել ավելի վաղ, բայց հիմա նոր լավ առիթ է դա անելու:
Մտածող մարդիկ կհասկական, թե ինչ է իրականում տեղի ունեցել»: