«Իշխանություններն իրենց գործողություններով ինձ պատճառում են ոչ միայն հեղինակության, այլև նյութական վնաս»․ Հովհաննես Ավետիսյան

«Նախորդ տարվա աշնանն ինձ ձերբակալել էին, ապօրինի զենքի կեղծ մեղադրանք ներկայացրել։ Երկու օր պահեցին, բաց թողեցին, եկան տունը խուզարկեցին, օրինական զենքերս տարան, ավտոս պահեցին ամիսներ, 4 ամիս հետո ասացին՝ հիմքեր չկան, հանրային քրեական վարույթ չենք հարուցում»,- ասուլիսի ժամանակ հիշեց Հանրային կառավարման մասնագետ Հովհաննես Ավետիսյանը՝ հավելելով, որ ինքը գումար է վաստակում միջազգային կազմակերպությունների հետ փորձագիտական աշխատանք կատարելով․ «Էդ պահերից սկսած՝ ինձ հետ այլևս չեն ուզում աշխատել։ Այսինքն՝ իշխանություններն իրենց գործողություններով ինձ պատճառում են ոչ միայն հեղինակության, այլև նյութական մեծ վնասներ»։