«Ով որ ՀՀ անկախությանը, ինքնիշխանությանը սպառնում է, ես իրեն նենց կսպառնամ, որ ճնշումը կբարձրանա»․ Նիկոլ Փաշինյան

«Ես բերել եմ իրական անկախություն, ես բերել եմ իրական պետականություն․․․ Խաղաղությունն այսօր է»,- այս մասին ԱԺ-կառավարություն հարցուպատասխանի ժամանակ հայտարարել է Նիկոլ Փաշինյանը։

Անդրադառնալով ընդդիմադիր պատգամավորների քննադատություններին՝ Փաշինյանը նշել է․ «Այսօր Զվարթնոցից ինքնաթիռ է թռչում, Կապանում վայրէջք է կատարում, հետո հետ է գալիս, այ դա է խաղաղությունը, որ մարդիկ ապրում են իրենց տներում առանց վախի․․․Խաղաղությունն արդեն եկել է․․․ Դուք հիմա թռնեք վերև, իջնեք ցած, խաղաղությունը հաստատված է։ Դուք մի խնդիր ունեք՝ հաստատված խաղաղությունը քայքայելու, ես դա ձեզ թույլ չեմ տալու, չերազեք նույնիսկ։ Ուզում եք թռեք վերև, ուզում եք իջեք ցած, ինչ ուզում եք արեք։ Երբ որ սպառնալու տեղը գա, կսպառնամ, այն դեպքերում, երբ որ բանը կհասնի ՀՀ պետական շահերին, ՀՀ պետական անվտանգությանը։ Եվ ով որ ՀՀ անկախությանը, ինքնիշխանությանը սպառնում է, ես իրեն նենց կսպառնամ, որ ճնշումը կբարձրանա»։